ومات الحلم ياغزة وكفن في صحاري البور
جياع ومادرى عنك سوى اللي جاع من مده
صهيل الجرح بك نادى وسالت بالجراح بحور
وشاخ الرمل مايدري من اللي طاح في لحده
حرام ننام ياغزة وأنتي خاطرك مكسور
كثير الذنب في حقك متى نوقف على حده
وتصرخ من وجع غزة طيور وتستفز طيور
عباب الموت مافرق على جزره وعلى مده
حرام يموت في خلده طفل ماشاف ضي النور
وضي النور ماشافه حرام يموت في خلده
ويكبر جرحها غزة وننسى جرحها المقبور
وجع ماحس به عالم ولا من عاش في قده
نجي نرسم مداينها وتدمع مقلة الطبشور
وتحمل روحنا حزن وثقل ماشالته بلده !!