شكرا لصاحبة الموضوع على هذا الطرح
نرجع لاصل الازمة !! ليش الشاب او الشابه يقيموا علاقه مع الجنس الاخر ، بالنسبة للبنات فهن ينخدعن بسرعه ، بالذات هاليومين البنت مهيأة بسرعه للتعارف والسبة هالمسلسلات وهالخرابيط ، اول ما تتعرف البنت على تظن نفسها انها تحب وانه اللي ياينها راكب حصان ابيض ..(وهو راكب حمار جربان ) ..كل هذيه الاشياء اتخلي البنت فريسه سهله للشاب ، يمكن نسبه 99 بالميه من الشباب ما يعني لهم الحب شي ..هدفهم واحد وهو الوصول للبنت ( ووو ) ، وانا اقول انه علىا لبنات انه ينتبهن لانفسهن لانه مشي شي اسمه حب قبل الزواج لانج اذا سويتي علاقه قبل الزواج وما تزوجتي هالشخص تكوني ظلمتي زوج المستقبل وظلمتي نفسج ..ظلمتي زوج المستقبل لانه محد يرضى انه يتزوج حرمه وهي عندها علاقه سابقه ، امعه اللي يرضى بهالشي ، وظلمت نفسها لانها لو خبرت زوجها بهالشي رح تكون حياتها تعيسه وكلها شكوك ويمكن يطلقها الشخص وبجيه تكون خربت حياتها واذا كذبت وما خبرته فهي كذبت عليه ..وايدين يستسهلوا الكذب بس مشي يخرب العلاقات الاسريه كثر الكذب ...
البنت اذا تبا تعرف نيه الشخص وهل هو صادق معاها او كاذب ، عليها ادليه بيتها ، اذا كان صادق بيي وبيطلب ايديها واذا كذاب بيتحجج وبيلف منيه ومناك ..وبيزعل له كم يوم عشان يخلي البنت تحس بالذنب وانه هو صادق ...يعني حركات مكاتب ..
انا مابا البنت توصل لمرحلة التعارف حتى والله اتجرب اذا هالشخص صادق في كلامه او لا ، اللي يلعب بالنار رح تحرقه ، الحين في بنات في عمر الــ17 عندهن حبيب ، اي حب هذا اللي بعمر 17 غير انه فراغ وقلة دين ..
والشاب طبعا مشي برييء ابدا ، والشاب اللي يغازل هذا شخص ما يغار على خواته واهله لانه المغازل مثل الدين ، مثل الزنا لانه هذيه حقوق ناس والله ما يضيع حقوق الناس ..مثل ما تفعل في بنات الناس ، الله رح يرسل احد يسوي في اخواتك حتى لو مجرد مكالمات تلفونيه ..كل شي محسوب ،
انا ما اقول غير انه كل واحد يجابل خواته ، كل شخص يوم يبا يحب يحب خواته افضل له لانه بهالحب بيصون نفسه وبيصون خواته من الوحده ومن الفراغ الروحي ، اكثر البنات يبن اللي يحبهن وهالشي يخليهن يدورن الحب والحنان في غير بيوتهن وهذا غلط بس حاصل واكثر البنات اللي عندهن علاقه يشتكن للحبيب ظلم الاخوة وانه قاسين وووو ...لذلك على الاخواة الانتباه لهالشي ويحسن علاقته مع اخواته لانهن الاولى بضحكته والاولى بأبتسامته وعطفه وحنانه ومب عيب عليه انه يحب اخته ويهديها ويعطف عليها مثل ما يسوي كثير من الشباب ...
وبس تعبت ايديه من كتابه