مما في فكري*~®(أحمد العلوي)®~*

مقتطفات أحمديه ^ــ^



(1)

ما هقيــــت الهــم تجليــــه الغيــــوم

ليــــن شفتـــــــك يـ العفيــــه ممطره



كان صدري ممتلي ضيــق وهمــوم

والخفـــوق أدرى عـــن اللـــي كدّره



غير هذا اليوم يســـوى ألـــف يــوم

والمطــر حَـــرّك شعـــوري منظره



في ديار الغنجه اللـــي مـــع قـــدوم

وابـــل الأفــــــراح صـــارت آسره



كنهـــا باريس عاصمـــــة النجــوم

أو نسيــــم النيــــل وســــط القاهره



و تركيـــا أم الحدايــــق و الكـــروم

مقفـــره جـــدام صــــور الساحــره



ما هقيــــت الهــم تجليــــه الغيــــوم

ليــــن شفتـــــــك يـ العفيــــه ممطره









(2)

ما أروعــك يا صــور و الغيم يكسيك

كنـــك عروسه تـــردي ثـــوب أبيـض



يا حلو صبحك والمطر في ضواحيـك

اللـــي مـــع الهتـــــان بالخيــر تنبـض



يسعــد صباحـــك و المشاعـــر تحييك

قبل المدى من غفـــوة المـــزن ينهض









(3)

كنــي عرفتــك يــا أسـى ليلـة العيـد!!

منت الذي بالأمـــس بكـّيـــت عيني؟!



المشكلـــه أنــــك وفــــــــي بالمواعيد

و دايم قبــل ميعــــاد فرحــــي تجيني



و المشكله ما عــاد لــي كــف أو أيــد

و إلا ّ أنـــا ودي أمــــد لك يمينـــي!!



يعني ولو مـن باب جـــود الأجاويـــد

حقـــك أضيّـــف حضرتك مـــن أنيني



يا عيـــد أبشــــر بالوجــع و التناهيـد

ما دام ضيـــق الوقــت يختـــال فينــي



كن للفرح وجـه(ن) ذبـــل بالتجـــاعيد

لا مــن دعيته قـــال: (أتــرك يديني)!!



و الحظ أعـرج و الزمــن حرقــة البيـد

و العالـــــم المجنــــون بينــه و بينـــي



و الحـــال مـا هــو ناقـص يزيــد تعقيد

أصـلا ً أنـــا تكفينــــي جمــرة حنيني!



مدري بأي حال(ن) لنا عدت يا عيد؟!

بـس الأســـى بالأمـــس غافـــي بعيني





أحمد العلوي

​
 
السلام عليكم و رحمة الله و بركاته



العوده إلى هنا لم يكن سهلا ً ، فالطريق لم تكن سالكة ، إضافة إلى

أدراكي بأنني سأحتاج لسحر الساحر و طب العطار جنبا ً إلى جنب

حتى أعود لسابق عهدي ، و يعود لي شغفي بهـذه المساحـــة التــي

كانت في تلك الليالي الجميلة ، مرتعا ً خصبا ً لأحاسيسي وما يخالج

مشاعري.



إذا ً ها أنا ذا أفرد أجنحتي من جديد و أعاود التحليق ، لعلَّ و عسى

أن أجد هنا ما يستفز قريحتي للكتابة ، وإن شاء لي المولى سأهمـس

في أذنيّ مساحتي و أساعدها على إستعادة بريقها مرة ً أخرى.



فإلى ذلك الحين ، أدعوكم للسفر علــى متــــن هذه القصيـــدة الرائعه

للشاعر العذب ، محمد بن فطيس:



http://www.youtube.com/watch?v=bwnBvhmIvLs



عقبال ياماخذ فؤادي مية عام ..

 .. ضيعتني منك وانا ما اهتديتك​



لا ..ما نسيتك كيف بانساك ما دام ..

.. ذكرى الفراق تهزني لو نسيتك​



حبك قدر وانا على دين الاسلام ..

 .. مكتوب في وجه الجبين ورضيتك​



لك في الضمير الود والحشمه اتوام ..

 .. ولي في ضميرك مثل ما انا بغيتك​



ولك منزل في نايف القلب وخيام ..

 .. وذود الغلا ترعاه ولا شكيتك​



يفطر عليك القلب وان فارقك صام ..

.. والله لونك شوك سدره كليتك​



القلب طيرٍ لادعي للهوى حام ..

 .. والا انت وكره من كثر ماهويتك​



كن العيون من النظر عقبك ايتام ..

.. وكني ماريت الا انت من يوم ريتك​



وكنك معي وانا فقدتك من اعوام ..

 .. مع الخيال القاك كني لقيتك​



من صعب وصلك ما تهنيتك احلام ..

.. لا جابتك فزيت شوق ومحيتك​



يعني وصالك صعب واهدافي اوهام ..

 .. يعني زرعتك للقدر ماجنيتك​



صبرك يقولون العرب كل الايام ..

 .. يوم عليك ويوم لاجاك جيتك​



ويا قلب ياللي ورثك اجروح وآلام ..

 .. بليتني ماهو بانا اللي بليتك​



ولعتني من عادني في الهوى خام ..

 .. واسرفت بي وانا خطامك عطيتك​



طعتك وزبدة طاعتك هم وهيام ..

 .. مالله كتب لي واستخرت وعصيتك​



لوللقلوب اسواق بايع وسوام ..

 .. لاابدلك وان جيتني ماشريتك​



والا انت ياللي جيش عينيك مقدام ..

 .. لا اقنعت منك والرجا مارجيتك​



كني سجين بين..افراج ..واعدام ..

 .. وكنك سجن وانا بنفسي بنيتك​



عقب الوصال اللي على عين من لام ..

 .. قدهو يكفيني عن الوصل صيتك​



وقدني الى مريت بالشارع العام ..

 .. لديت من ما في الضمير ودعيتك​



ادري ان صوتي ماقطع عشرة اقدام ..

 .. وادري بي اعود الى من نصيتك​



ياشينها يامحنيٍ راس الابهام ..

 .. ماقدر على شوفك وانا عند بيتك​


​
 
يجب تسجيل الدخول أو التسجيل كي تتمكن من الرد هنا.

كلمة مدير الموقع

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى.
عودة
أعلى