فـــقـــيــــر
فقير وعندي المال الكثير *** فقير وملبسي غالي حرير
ويـــــا صـاحــبـي الـحافـــي الــفـقـيـــــر *** ابا أنشدك أبا أسئلك وش هو الحصير
وبا أسئلك وشلون أنا أمر وأنهى *** واذا حكيت قبل ما انتهى من كلامي
يـــــقـــــالـــــــــي ســــــــم ويـــصــيــــــــــر *** ولا شكيت من غفلتي طّول زمنها
يقالي لا تشتكي ما خلقت الشكوى لأمير *** وبا أسئلك وشلون مع كل ذا
أقول عن نفسي فقير ؟؟؟!!!!!
يا صاحبي لا صار للضحكة ثمن *** وصاروا اصحابي كثير بس بثمن
والوفاء ما به وفاء ألا بثمن *** ابا أسئلك ماني فقير
ولا صــارت أقــوالـــي حــــكــــم *** ولا قالها غيري غدت .. حكي قديم
ابا أسئلك ماني فقير ؟؟؟!!!
ولا غلط قالوا صحيح وكل شيء أعمله يصبح عظيم *** ابا أسئلك ماني فقير ؟؟!!
وياصاحبي ابنشدك لمن جفتني دنيتي *** وابتداء الدرب الطويل الي ابد ما ينتهي
وانتهى العز القديم ، وما كنت أضنه بينتهى *** والموت بدد فرحتي ... وحطوني في قبر قصير
وحزنوا علي وبكو هلي وناس من ربعي قليل *** وارتاح من وجهي كثير
وبقيت وحدي في حيرتي ما به احد *** لا طال عمرك ولا تحت أمرك
ما غير أنا وخوف ولحدِ وحساب قدامي عسير *** وقتها ذكرت إني من زمان
يــــوم انــه أمــهــلـنـي الــزمـــــــــــن *** هذا ضلمت وهذا جرحت ويااااااما كذبت
وذنــــوبـــي ألا نـــدمــت ونــفــســي كــــرهت *** عرفت انه الله أكبر وان الهلاك أصبح أكبر
وإنـــــي مـــالــــي رجـــــاء ***ولا هروب من الدجاء
ومن الجحيم إلا بأمل وحيد *** إنه الله غفار رحيم
ابا أسئلك يا صاحبي عني في وقتها ماني فقير ؟؟؟!!!
عبدالرحمن بن مساعد .