الفقر و البطالة
[poem=font="times new roman,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
انا محامي عن جميع المساكين=قضيّتي ضد الفقر و البطالة !
حد ْانكسر ظهره كثر ما حمل { دين )=و حْدن يشدّ لغربته , , , كلْ رحاله !
و حْدن كسر حصّالته , , , يآآآآآه مسكييين =هذي حصيلة سهرته و اشتغاله !
وْحدّ انحرف و اختار له سكة الشين=أصلا بيلقى غير درب الضلالة ؟!
هذا يُــقيم لعزة النفس , , ,( تأبين ) !=لو كان يكسب لقمته من سؤاله !
أحيان ، ، أحس ّ انّ الفقر فالبشر { جين }=الأبْ يعطي { جين فقره }, , , , عياله !
و أحيان , , أحسّه , , , مثْــل كل القوانين =تسري علينا بسْ,,,! و ( ناس ) اْستحاااااالة !
في " سوق مطرح " , , و ازدحام الدكاكين =ولــد يتاجر بــ الوفا , , , للحثالة !!
رثّ الملابس , , مظهره يزعج العين =حافي و " أرض السوق " , , كانت نعاله
جيته , , وقلت اعطيه مني , , , ريالين =عسىْ ْانّــــها تصبح اموره سهالة
قلت السلام : و قال : اهلا و سهلين =ونا سألته عن علومه و حاله
ثم ابتسم لي : يا صديقي أنا زين=اتنفّس و أركع لربّ الجلالة
أبوي نايم , , ! بسّ متلحّف الطين !=خلاّ ( ثلاث اشخاص ) , , فـ الناس عالة
أمي عجوز تعيش دار المسنين=و أخوي ضايع في دروب الجهالة
و أنا , , أدوّر عن عمل لين هــ الحين=عسى أحقق رغبتي من خلاله
حسّيته ْيحاول يباغتنٍي ْبـ لين=وْ يميّــل أغصاني عليه , , , استمالة !
وْحسّيت ما يستاهل أعطيه ميتين !!=مدري , , أحس ف نبرته شيْ , , , نذالة
هزّيت راسي ، ، قلت له : ربك يْعين=وَ رحتَ ما ودّي اطاوع هباله
حتىْ ْابتعدت وْ رحت مدري الى وين !=وْشفت ( الولد نفسه ) , , وقفلي قباله
وَ قال : خذ , , , طاحن من ايدك ريالين ! !!=من بعْــد ما كلمتني ف البَــقَــالة !!
يا ربّ أبعد عننا الظن , , , آمييين =الفقر ما هو من نقص جيب ماله
الفقْر فقر الذات والخلق والدين=يا كمْ غني ما ذاق لقمة حلاله
انا محامي عن جميع المساكين =قضيّتي ضد الفقر و البطالة !
حال الفقير اليوم , , حاله مٍن ْسنين=محّـــد سعى حتّى يدوّر بداله
ويش الغريب انّ الفقارى مُـــدانين ؟=دام الغني هاني بثوبه و شاله !
سَرق لَجل يهنأ بــ ( أرض السجن ) ليييين =يلقى وطن , , يقدر يحقق مناله
والله ان النوم جنب المساجين=افضل من انه ينام جنب الزبالة !
[/poem]
حمود المخيني