.,~ صفحة لـ ذاتي // هنـا حيت تجدونني // مع الشعر ! ~,.

[حمود المخيني]

\\





تعامل مع الناس السيئة بمبدأ ( كش ملك ) !



يعني يوم تشوف واحد وجهه لوح لازم تهدد الملك بأصغر قطعة شطرنج " الجندي " .

واذا شفت وجهه لحد اللحين يطفي ف الماي .. يعني لازم تقوله كش ملك بـ قطعة أقوى شوية " الحصان "

واذا شفته مثل ما هو ... قدم " الوزير " و انههي اللعبة !​

:4you-12:







\\

" كـــــــــــش مــلـــــــــــــــــــــــــك "​

 

[حمود المخيني]

\\

\\

أدرس حقوق وْ ليت ما أدرس حقوق

للحيـن ما لاقيت لي حقٍ .. درسته !​

الْــفجْـــر ما يصحى بلا نور و شروق

واللي حصدته لازم الأول غرسته !​

أحتاج " قلب " وْ " نبض " واحتاج لـْ " عروووق "

قلبي من الأحزااان " كحّيـــت " وْ عطستــــه !!!!!!!!!!!!!!​

\\

\\

\\​

 

[حمود المخيني]

\\​

آآآخ من " ايليا أبو ماضي "

عايش الحاضر و هو ماضي !​

ما يُخلّــد ذكْـــر من مــــــاتوا

دام عيشتهم على الفااااضي !​

\\​

 

[حمود المخيني]

\\



\\



يا من .. تدوّر عن " محبّــة صادقـــة "

سمعت عن حانة بها " غرفة صلاة " ؟









سمعتوا ؟

:what-15:​

 

[حمود المخيني]

هذا العيد​

قمت الفجر ..

صليت ..

ورْجعْــت سلّــمت .. !





واللحين ... بحضن ايْ وساااااااادة قريييبة !​

:bad: ملل :bad:​

 

[حمود المخيني]

\\​

\\​

مليت من كثر القراءة و الأوراق

وْ مليت طول اليوم أحضن سريري ‍!!​

ومليت من كثر التــسوّق فـ الأسواق !!

حتى نشف من كثرة الصرْف .. بيري !!​

أحتاج " شيّ " ْيفرّ بي فوق الآفاق !

للحين ما حلّــق و لا طاار طيري !​

آنا زهقت وْ خاطِريْ الْمنْجَرحْ ... ضاااااق !

شكلي بَرووح آخذْ لِيَ " BlackBerry "​

:21_181:​

\\​

 

[حمود المخيني]

"



"



"



تابعوني دائما هنـــا



"

فما فائدة القلم .. ان لم تقرأوه أنتم ؟



"



"

:5_203:

​

 

[حمود المخيني]

\\





:bad:



لا تقول انّــك نسيـــت !



أصلا أنا قبلك ... نسيـــــــتك !!



:bad:



\\

​

 

[حمود المخيني]

\\

\\



ليت لو فيني بدل .." ظهري الأعوج " ... صدر

ع الأقل .. يمكن يخفّــف على " الصدر الملي " !!



\\



\\​

 

[حمود المخيني]

\\

\\



من كثر ما ضاق صدري .. تنفّست الشعر !

يمكن أنفث لك قصيـــدة !! .. لجل تتأمــلــي



في ثناياها " رجل " .. كم مشى فوق الجمر !

غايته حلمه و لكن رجع دووونه خلــــــــي !







\\



\\​

 

[حمود المخيني]

\\



\\

\\





يا عروسة

أعتذر

لو خذلتك ... أعتذر



ما قدرت أهديـــك خاتـــم و ألبسْك الحُلــي !



\\



\\​

 

[حمود المخيني]

\\



\\

\\



يمكن .. رضعت الضيق .. من ( صدر الحزن ) ! .. منذ الصغر !

عشان هــــذا ما وعـيت الّا ونـــا .. " شاعـــــــــــر حزيـــــن " !



\\

​

\\

 

[حمود المخيني]

\\

\\​

​

\\​

في وحدتي أحيان .. ارقد !! و أحيان

ارتاح من صمت الأماكن و صيتي ​

واحيان تملاني مواجع و أحزان

كلما ذكرت انك تناسيت " بيتي "​

لكن ترى من ضاع في وسط الأوطان

يلقى وطــــــــن في " منتدى صور سيتي " !​

\\

\\​

:hi-2:​

 

[حمود المخيني]

\\

\\

\\





أشتاق لك . . . واحتاج لك . . . وأبغض سكوتك !

ما شفت اسمك كيف زيّـــن لي قصيــــدي !



حاول تكلمني . . . أنا مـــــــحتاج صوووتك

ونا تراني . . . للأســـف " خلّـــص رصيدي " !!



:4you-12:



\\​

 

[حمود المخيني]

\\



\\

\\



يا بعيييدة ساعتي , , تحسب غيابك , ,/ يا بعيييييدة

ما أبى غيمك ولكن بس أبى " ظلة سحابك " !



يا بعيدة : في عيوني ذاكرة أشيا عديدة

وفي شفاتي لك سؤال و أنتظر أسمع جوابك!



وين انتي , , ؟ في غيابك ضاعت أحلامي الرغيدة

ما دريت انك أخذتيها معا باقي زهابك !



في غيابك ما نزفت الحبر لجل أكتب قصيدة :

كنت أرسم " أذنك " و أهمس لها : طول غيابك !



يا بعيدة , , ما دريت ! / انتي حزينة أو سعيدة !

ما دريت ان كان هذا الوقت يحفظ لك شبابك



في زمان ن ما يشيب الراس بسنينه المديدة

لكن "الدنيا" و"قصر اليد" و "الحب" ان قسى بك !



العمر يمضي و أيامي بقت دونك وحيدة

تبكي الماضي , , وتبكي وجهك و ريحة ثيابك



ما تحملني صدر انسان , , و احزاني شديدة !

والوحيد اللي وسعني صدره المشقوق , , بابك !



بابك اللي كم قضيت الليل ويديني ب ايده

وكان يشعر بارتعاش ايدي اذا بيه اتشابك !



وقْــفت الساعة !! / و لكن بشتري " ساعة جديدة " !

راح أظل احسب غيابك ، لين ما يرجع غيابك !



:21_181:​

 

[حمود المخيني]

\\

خاطــــــــــري فــــــــــــــــي

.





.





​

 

[حمود المخيني]

\\

\\



كومارَ : هندي يبيع الخبْز ف الحارة

معاه " سيكل " وَ يعبر به علىْ الحاارة



يبني طموحه على رزقه من المخبز

وش عاد لو نصْف رزقه , رزقَ أْهْل داره ؟!



فقير , , , عابر سبيلْ , , , وْ منحني ظهره

حمّـل عليه الفقر , , , زاده و أسفاااره !



كسير , , , جسمه نحيل ْوْ ( سنبلة قمحه )

تغنيه عن سنبلات " المُـــعطِيْ الكاره " !



كومار : " هندوس " لكن في معاملته

"مسلم" يبي جنة الله ْوْ يتقي نااااره !



وجهه مُنير , , وْعيونه تمتلي طاعة

نوره يغطّي فضاء الكون و أقماره



ما ينْـقـَــصهْ غيرَ ينطق بالشهادة , , , لو

ينْطقْ بَـها كان دامت فيه أنــــــــــــــواااره



مسكين كومار يبقى من معاشه بسْ

ربْعهْ , , , ولا يشتكي للناس اقداره



مسكين يضْحكْ مَـع ْالناس ْو يسولفهم

ما يشعروا به ولا يدروا عن أسراره



كومار , , , لعبة ف يدّ ْولاد حارتنا

يرميهُم الخبْزَ لو يرموه بحْجااارة !



يؤمن بِأن الرّجل لو غاص في فقره

يمكن يجي يوم يلقى فيه محّــــااااره !



يؤمن بالأخلاق , , و الطيبة ولا يؤمن

بالغطرسة , , , و اتَباع النفْسَ اْلأْمّارة



دين الرّجل ما ينقّـص شيّ من قدره

مع البشر , , , لو نقص عنْدْ اللهَ مقْداره



كَفيل " كومار " مُسلم ملتحيْ وْ شايب

ياخذ " رُبع رزْقــَــه " وْ ما يقْبـَـل أعذاره !!







.. حمود المخيني ..



\\​

 

[حمود المخيني]

\\



\\





أحتاج انثى تقول : " ان غاب حضنك ..

برضى بـ ( حضن العنوسة ) بسْ عشانك " !!





!!

 

[حمود المخيني]

\\



, , موعد ، ،



وينك ؟ , , , عبرت المسافة , , , لجْل موعدنا

أشهق" صبر ", , خايف ان الأنتظار يطول !



ويييينك , ,؟ وليت الأمل لو كاااان يرشدنا

لو " ضاع " حلمي وحلمك من هو المسؤول ؟



أنا و انتي . . على الضيقة توسّدنا

واللي يواري جروحي , , شعرك المسدول



( غدْر السهر ) لو دنى من ( ظهْر مرقدنا )

ويش الغريب ان صَبح " نومي " وَهو مقتول !



للموت غيمة ، ، رعتها الريح ! ، ، ، ترعدنا

خوفي قبل شوفتك يتساقط الهملول !



هو ينتظرنا من أول يوم مولدنا

مثلي , , , و يدَي بقبضة بابك المقفول !



وْ في يوم موتك , , , أنا وانتي تشهّدنا !

ما دام قلبك بقلبي يالغلا , , موصول



أذَن " أذان المفارق" / وين مسجدنا ؟!

ابى توضى طهارة جسمك المغسول !



مع السلامة , , تباعدنا , , , تباعدنا !

ما عاد ينفع لسان الشاعر المعسول



وش ذنبنا ؟ دامها الأيااااام تجلدنا !

وش هيبة الغد؟ / غير القادم المجهول!



الموت : " فلاَح " يزرعنا و يحصدنا

والعمْر: "محصول" يقصر موعده ويطول !



موعد ! و هذي نهاية " يوم موعدنا "

موتك ، ، ، و طعنة بسيف أحزاني المسلول





\\



\\

​

 

[حمود المخيني]

\\



\\

دكتور \ ما عندي عذر للغياب

و ادري بـ أنّي ( خمسة أيام ) غايب !



ان كنت تسأل : وينه حموود غاب ؟

اقول ما لغْــــــيابه أيّــة سباااايب



استاهل حسابك . . . و مرّ الحساب

عشان ما أصبح مع الوقت ... عايب



وتستاهل ْغصوني غيوم العتاب

عشان تزهر ورد زاهي و طايب !



دكتور ما فيني مرض واكتئاب

لكن أعاني من غياب الحبايب !



غرست اسمهم في غلاف الكتاب

وامطرت من عيني عليهم سحايب !



ذاك الحبيب اللي سقاني سراب !

وشفت من فعْله عجايب .. عجايب !



ان كان لــ وْصاله صلاة وْ ثوابْ

صليتها وأصبحت زاهد و تايب



دكتور ما تفهم هموم الشباب

انته معرّس . . وانته اللحين شايب !



أنا مواطن ... بسّ عشت اغتراب !

عندي قرايب . . بسّ كانوا قرايب !



وْ عندي عداوة مع " جيوش العذاب "

متى يعززّني " الفرح " بـ الكتايب ؟



دمّــي : أمل .... يجري بكل انسياب

حتى نزفت وْ صرت يائس و خايب !!



دكتور \ ما عندي عذر للغياب

سجّل بأنّي خمسة أيام غايب !





حمود المخيني

​