نبراس العفية
New Member
السلام عليكم ورحمة الله وبركاتةمبارك عليكم الشهر وتقبل الله صيامكم وقيامكم ..هيش اخباركم وهيش الهبة . بيكون سويت عليكم طشة خلوة ما فقدتوني ...ماغاب حسي عنكم وعن المنتدى ...قبل كان المنتدى مغبر خخخ ... محد فيه والحين ما شالله مواضيع حار بحار...المهم انا يايبة الموضوع واعرف ان فات اوانه... وما ادري اذا احد تكلم فيه قبلي بس بصراحة من زود القهر ...بيكون شفتوا الشعبانية السنة ...بالله عليكم صارت عادة شعبية تراثية يفرح بها اليهال؟ولا شغل تصكيكة وطرارة ؟يا خوتي لا تخلوا الشغالات يدورن في الشعبانية عطوهن شغل طرشوهن سووا اي شي..بس ما يدورن الشعبانية ... ياخي يضيعن رونق الشعبانية ...والله صرنا نحس انه شغل طرارة مب شعبانية !!! يعني بعد 5 يهال يدخلن 15 شغالة ...بامانة في شغلات يدورن باليهال والاه بصراحة ما اعترض عليهن ...بس اللي يدورن وحدهن ...الشي الثاني البنات .. فضيحة بامانة بنت عمرها 12 سنة ..بلا شيلة او غطا رأس .. وبنطلون وقميص .. حشاهن السوريات تبوا الصدق ..هذا طالعة شعبانية ولا مهرجان ..انا قلت هالكلام لان بامنة ما تحس ان فيه مناسبة شعبية وعادة حلوة تعود عليها الناس ...الشعبانية للطفال وليست لشغالات... اللي حاب انه يشعبن شغالته يعطيها 20 ريال فيها اجر بدل ما تدور في شموس ... والعذر والسموحة
