الوقوف وسط الشارع :
محروس : اتصال هاتفي توتو .... توتو .
حارس : السلام عليكم
محروس : وعليكم السلام ،، حارس اطلع اني برع أحرسك .
حارس : زين زين لحظه شوي .
محروس : اليوم عازمنك على شاي كرك ولأ تبنا نشرب عصير مخلوط .
حارس : كله وأحد بس يقولوا عصير رمان زين وصحي بعد .
محروس : يا محسناتك للخساير ، رمان مرة وحدة ،، اقولك ما تبا لبن العصفور مرة وحدة
حارس : يا ليت إذا متوفر ،، هيااا يالبخيل شربنا عصير رمان بارد على هاللواهيب .
ولأ أقولك شربنا عصير ماي من الحنفية أبرك .
محروس وصل محل العصائر ووقف وسط الشارع ودق هرن للهندي مرة ومرتين وثلاث
وسوى إزعاج بصوت الهرن المزعج .
الهندي : هااااااا ارباب شووو يريد ؟؟
محروس : هااات عصير مخلوط وأحد وهاات بعد كوب بارسل .!!!
حارس : ليش عصير واحد !! وأنته ما تبا تشرب عصير ؟؟
محروس : كيف ما أبا تراني بشرب عندك ،، بنتناصف العصير !!
حارس : أنزين زحف عن الشارع وأعطي الطريق حقه اصفط في الرصيف لين يخلص
العصير ، شوف الناس واقفين طابور ورآك ويمكن عندهم حالة طارئة أو مستعجلة
وأنته ما تعلم عنهم .
محروس : الدنيا ما تخلص ورأهم الناس كذية دومهم مستعجلين ؟؟
حارس : لا يا محروس لازم تحترم الناس وظروفهم وتحترم قوانين السير والمرور وإعطائهم
الطريق حق مشروع علينا كلنا . وثانياً تخيل واحد واقف ومسكر عليك
هيش بيكون شعورك ناحيته ؟؟ .
محروس : صح كلامك .
بصراحة حارس كلامك سليم ومنطقي. وأني أشوف الناس جيه يسوو وسويت مثلهم
حارس : بس أذية التصرف مرفوض وغير مرغوب فيه لا سلوكياً ولا حضارياً .
محروس : مشكور أخوي حارس وأني خلاص من اليوم وساير بوقف في الرصيف
وبحترم القوانين كلها .
