@@ يـــــ،،،ـــوميــــ،،،ـــــــات صـــ،،،ـــوريـــ،،ـــة @@

[وتبقى الذكرى]

بصراحة جميل انت اخي البااز



وهذة حقيقة حاااصلة معانا

والله يهدي الجميع بأذن الله تعالى



شاكر لك

 

[صوري للابد]

والله صدقك يا الباز وخصوصا المرتفعه

ياله مكنت ادعي عليهم ايام الثنوية الا طشة

بس الله يهديهم

 

[الباز ...]

مشكورين إخواني ...





وصراحة ردودكم هي اللي تشجعني وتخليني استمر فـ الكتابة ...

 

[مـــيمي]

دآم السآلفهـ كيهـ

عآشو عآشو . . . =P



:Angel:



وآصل و تأكد إن غبنآ سنظل متآبعين :Tulip_Up:

 

[الجنيبي 91]

يعـطــيك العافيه يـ الباز



ماشااءلله عليك



تسلم ع اليومياات



وبانتظار كل ماهو جديد منك

 

[بنت الفنه]

السلام عليكم الباااااااز



والله يطلع منك يصرااااااحه صدمتني:icon_eek: ماتوقعت هالابداااع يطلع منك انته بالذات يصراااااحه برااااااافو:المثقف:





وبالتوفيق اخوية:icon_neutral:



و اسمحلي ع الاسلوب بس عشان احمسك لتقديم الافضل :icon_razz:

 

[نهضة الشرق للتجارة]

موضوع واقعي وروعة

والله انك جبتها يالباز

5 ستااااااااااااااااااااااااااااااااااااااااااااااار

 

[مـــيمي]

بسم الله الرحمن الرحيم <~ حشي جنآنوه بمشآركه وحدهـ { . . .



أخوي البآز وينك وينك وينك هآ ! حن مودرين الكيمياء و الأحياء و ننتظر الحكآوي !

 

[الباز ...]

روحي راجعي ... الكيمياء والأحياء أحسن من حكاوي الباز ...:36_1_13::36_1_13::36_1_13:





باكر ان شاء الله بكتب لأني جالس أدور موضوع اكتب عنه ....

 

[وتبقى الذكرى]

البااز



شي عندك سوالف عن عطوووي..؟؟ههههه



يالله الغالي نتظر الجديد

تراني كل يوم أقص للوالدة ومستانسة تدعيلك مسكينة:icon_evil:

 

[الباز ...]

شخصيات القصة ...



ام خالد ... عيالهي : خالد ... ... علي ...



راعي التكسي .... الشاب ... حرمة خالد ...



صبح الصبح وقامت ام خالد تدخل المطبخ ... مسكينة شغالتهي مسافرة ... وعيالهي كلهم متزوجين وساكنين معهي فـ البيت ...



ام خالد : لاااا إله إلا الله ... يالله بصباح خير ...



علي : صباح الخير اماه " وهو طالع رايح الدوام " ...



ام خالد : حافظنه الله ... هيش استوي عليهم من تزوجوا ..؟ يصبح عليه وهو طالع حتي مكلف ع عمره ايي ويحب راسي ... لــــكن يالله بيكون مستعيل حافظنه الله ...



دخلت المطبخ وفتحت الثلاجة ولجتهي خالية مفيهي خضرة ... والبن مخلص ...



ام خالد : يها الفضيحة مشي بن عن اييني حد ... خليني امشي لـ خالد اورجه يمشي السوق ..



ودقت باب حجرته ... وطلعت حرمته ..



حرمة خالد : ها خالتي ... شي فـ خاطرج ..



ام خالد : أها قولي صباح الخير ..



حرمة خالد : اففففففف هيي صباح الخير ..



ام خالد : هيي تصخوا وراج اتأففي ... هيي ورجيلي خالود ...



حرمة خالد : لا لا لا خالتي خالد تعبان راجد ...



ام خالد : أها ابا يمشي اييب خضرة وبن ...



حرمة خالد : لا لا خالتي هيي بدخل ارقد ..



وسدت الباب ...



نزلت ام خالد وهي تتحسب ... لبست عباتهي وروحت هي للسوق ...



طلعت وراحت للشارع العام وجلست ربع ساعه فـ الشمس لين وقفلهي التكسي ...





راعي التكسي : ها خالتي هين بغيتي ...



ام خالد : ولدي ابا سوق الخضرة ..



نزلت ام خالد سوق الخضرة واشترت خضرتهي ...



ووقفت جدام المحلات وخطف ولد شباب ...





ام خالد : ولدي تعال ..



الشاب : ها خالتي آمري ..



ام خالد : ولدي اباك توقفلي تكسي وتشل عندي الأغراض للتكسي ..



الشاب : ان شاء الله خالتي ولا يهمج ... انتي استريحي فـ الظلة ..



ام خالد : يزاك الله خير " هيي ينفعك الغريب عن ولدك "



ياب الصبي التكسي وشل كل الأغراض ...ومدت عليه ام خالد ريال ...



الشاب : حشي خالتي والله مشليت شي ... انتي حسبت امي ..



ام خالد : الله يحفظك ولدي من كل شر ..



الشاب : اني تقطني هالدعوة خالتي ...



وداها التكسي لين بيتهي ... وشاف سيارتين جدام بيتهي ..



راعي التكسي : خالتي تاعبه عمرج وماشيه تكسي وسيارتين عند بيتج ..



ام خالد : ولدي خليهي ع الله ... عيال هالزمن متكلوتين عند حريمهم ...

ولدي بتعبك نزللي الأغراض ... مثل متشوف اني حرمة عوده ..



راعي التكسي : ولا يهمج خالتي ...



وراح راعي التكسي وهو يفكر فـ حال ام خالد ...





المقصود من هذا كله أن بعض الشباب الله يهديهم يتصرف نفس تصرفات عيال ام خالد ...

وما أعرف كيف الواحد يتهنى النوم وامه تمشي فـ التكاسي وتاخذ اغراض البيت من السوق وتدور فـ الشمس وعيال الناس يساعدوهي ...



ميفكر الواحد منهم أن بيرزقه الله بعيال ويمكن يتصرفوا عنده نفس التصرف ...



ومب الأمهات وبس ... حتي بعض الشباب الله يهديهم يخلي ابوه يمشي تكسي والسيارة عنده ويفضل النوم عن خدمة ابوه ...



فـ اقول للشباب الله الله فآبائكم ...



الله يرزقكم بر أبنائكم ....

 

[الأثري]

مثل هذه القصة استوت معي لجيت في سوج الخضرة امرأة تأشر وانا عندي خاص

وجفت خالت تفضلي خبرتني بوجهتها وصلتها إلى بيتها الدنيوي وأمام بيتها سيارة تكسي جديده

سالتها لمن السيارة جالت لولدي فاتحتله سيارة جديده وبدل ميشلني ويجوم من الصبح يترزج

راجد وانا رحت تكسي والحين انت رديتني وارادت تمد علي نول جلتلها خاص

لاحولة ولاقوة إلابالله العلي العظيم

بارك الله فيك الباز وأيدك ربي بمعيته آآآآآآآآآآآآآآآآآمين

 

[وتبقى الذكرى]

اشكرك اخي البااز



حقيقة هذة مشكلة قد تعااني أغلب البيوت..



بارك الله فيك



والله يجزاك الخير

 

[حورية]

"معصب: هيش أنتوووووووو!!!!!!!!!!!!!!!!

:بدغسك::بدغسك::بدغسك::بدغسك: كلكم متشوفوا...



حوريه اللي طاحت مب اني

كذبتج عويي عذوبه............ اها كذبي كذبه اتصدج



تراااه كلهم شااافوووج .......ههههههههههههههههههههه ايييييييييييييييييييييييييج!!!!!!!!!!!



اسميني ماضحكت غير اشويه!!!

 

[حورية]

الشاب : اني تقطني هالدعوة خالتي ...



ود حلال.... الله يكثر من امثاله.....





ولدي خليهي ع الله ... عيال هالزمن متكلوتين عند حريمهم ...



هههههههههههه.......ضحكتني اذيه متكلوتين..







بس مشكلة واقعية الاغلب يعانو منها....... مانقول غير الله يهديهم ويصلح بالهم

والله دعوة الوالدين تغنيك عن الدنيا ومافيها....



الله بالهداية

 

[حورية]

هيي اول ايام البيكبات يوم نركبهي نتشاحط لين منتناقع ع طولني ... مب سيارة خالود كني طايحه فـ طوي يوم اركبهي ...



هههههههههههههههههههههه......عاشت البيكبات....يوم نجلس ف الدبه وتفرفر عبينا ههههههههههه والكشه فووووووق



وبالليل اساعه 9 ... سالمه جالسه فالصالة وراسهي يعورهي ... خطف واحد من الشباب الطايش بسيارته وشارخ المسجل ع الآخر " مسستم " ومشغل أجنبي



:icon_cry::icon_cry: اذيه عاد وايد منه...........بسيايرهم ودراجاتهم اذيه الخايسه:قسم بالله:

يمزهو صراحة!!!!!! وبعده مينجو غير نصايف الليالي اذيج الساعه محد له بارض لشي:قسم بالله:



بس الله يهديهم!!!

 

[بنت الفنه]

مشكووووور الباز و صرااااحه بدعت :icon_razz:



يالتوفيق نتريا يديدك بس هالمره نبا جرئه اكثر لان في مواضيع جريئه فالمجتمع ممكن تنطرح باسلوووب راااقي و انت خير من يصوغ هالمواضيع بحس فكاهي و ممتع و يتعض منه القارئ نتريا:thumbsup:

 

[الباز ...]

زينب وريم طالبات فـ الكلية ...



زينب : اووووووووووف مبغيني نخلص المحاضرة ..



ريم : اووووه كيييييييه محاضرات متواصله من 9 لـ 4



زينب : بنت الحلال هيش نسوي ... خليها ع الله ..



ريم : زنووووب هيش عندج اليوم الساعه 9 بالليل



زينب : مشي والله فاضية ...



ريم : أبا اروح الخياط بفصل ...



زينب : ما بنتأخر ...؟



ريم : لا ترا الخياط جريب الحارة ...



زينب : زين بشوف امي وبرد عليج ...



ريم : تمام اتريي مسج من عندج ...



رجعن بيوتهن ...



زينب : اماه اوووو اماااااااااااااه



ام زينب : هيش عندج ياي شاقه حلجج ...



زينب : او اماااه أني انهمج بكل شوق ..



ام زينب : هيي خطفي خطفي ...



زينب : اماه بالليل بروح عند ريم الخياط ...



ام زينب : ايها وقعي فـ الأرض كل يوم تفصلي بسج كبتج كلعاده بيخشف اليدار من كثر متيهزي فيه ...

بس جنعن باللي عندكن ...



زينب : او اماه ريم تبا تفصل بس تباني ارابعهي ..



ام زينب : زين بس لتوانن مللي بارض فـ ابوج يوم بيي وبينازع ...



المهم راحن لـ الخياط ...



ودخلن ع الخياط ويكلمنه وهن ما متغشيات ... وكانت هناك حرمة عوده جالسه فالخياط ...



شوي ويدخل الخياط واحد من الشباب مطرش ..



ريم : "تتغشي بسرعه " وبويه وبويه ريال دخل ..



زينب : هيش اذيه ميعرف انه حريم داخل الخياط ...



الحرمه : بناتي خالف عليجن هالصبي يوم دخل وتغشيتن بسرعه وارتبشتن ...ومخالف عليكن الهندي اللي مجابلاتنه من نص ساعه ...؟



ريم : خالتي اذيه ترا لهندي ..



الحرمه : وراه الهندي مب ريال ...



زينب : لا خالتي بس ....



الحرمه : هيش بتقولي يبنتي ... ترا الغلط راكبنكن ... ليش انتن كيه تتغشن عن العماني والهندي ما تتغشن عنه ... ليش هو مب ريال ... ريال ونص بعده ... لكن يا بناتي اذيه طبع اطبعتبه ومب زين ... كم البنات اللي لا حقوهن هنود واستوي اللي استوي ...



زينب : والله خالتي حقك فـ الكلام اللي قلتيه كله ...



وطلعن من الخياط ورجعن بيوتهن ...





المقصود اظنه كله واضح ...









بعض البنات الله يهديهن ... نفس هالطبع عندهن .... الهندي عادي ما يتغشنه ... لكن إذا دخل عليهن عماني فـ الخياط أو الدكان ارتبشن وفعلن فعله ...





الله بالهداية ...

 

[وتبقى الذكرى]

الله يهدي الجميع

اشكرك اخي الباز ع القصة

أحداث واقعية تصير للأسف



كل الشكر لك اخي وبارك الله فيك

 

[الباز ...]

أسعدني تواجدك المستمر .....