هنا فقط..إلى كل أنثى..

[ونة الليل]

يااااااااااااااااااااااااااي الصراحهــ صدمهــ



اوووه وراجن



عاد قالوا حبيبتي وفديتج >>>الاه عادي بس بدون مبالغه



وهيش عاد الحين الشباب قلوبهم على بعض >>>>ههههههه



لا ياحبتي مب الكل



وترا وايد ماخضين فكره عن الانثى ....>>>مشي اخير عنه ..هيش محسناتها خخخخخخ





في منهن طبيعتهن يقولن هالكلام لانهن تعودن فبيوتهن مثل هالشي





يعني اني فبيتنا مشي وايد مثل الكلام ...فا ما استخدمه واايد



حدي حبيبتي ..فديتج >>>وبعد يوم اراسل ربيعاتي بس



______________________________

فهمتي علي عمري >>>خخخخخ

 

[almeem]

الونه ماعليج منها بنت العرامه أنا بسحبها...قالت صمت قالت



نبراس العفيه ..شفتي الميم دحرجت الكل





خليني أشوف سوالفكن وبرد عندي شي بقوله..

 

[almeem]

على طــــاري القيل والقال ,,

جالسه عند اخوي يراويني مقوله عن حقيقة النساء ..

وهي عباره عن محادثه بين صديقتين لا تخلو من ( هلا حبيبتي .. افا عليج قلبي ,,, ومن هالكلام )

ومحادثه أخرى بين شابين ( هلا يال حيوان !! هينك انته العر .. ومن هالالفاظ اللي كلها سب )



الغايه ...



مكتوب أخر شي انه المحادثه اللي بين الصديقتين صحيح فيها احلى الكلام بس القلوب فيها المكايد

والمحادثه اللي بين الشابيين صحيح فيها سب بس قلوبهم على بعض ..





وذكرني بمقوله _فيما معناها_

(لو تعلم كل انثى ماذا تقول صديقتها عنها لن تبقى صديقتين على وجة الارض !!)





مدري ... شرايكم

تهاااااااااااااااييييييييييه





أخوج يبي يغيضج.........نحن عسل وألفاظنا عسل



بس بيني وبين بنت العراما مسجات :d



بس ترا حلو الذوق في المراسله واحترام الذات حتى لوكانت القلوب على بعض فأنا

مع الذوووووووق والرقي في الحوار حتى لو كانت ساعة مرح

 

[almeem]

هنيه الكلام عيبني....تعرفي اختي وطن هو اذيه سالفة قلبي وحبيبتي

احسها الحين بدت تغزو عالمنا...يعني قبل يا دوووب حبتي وغناتي والحبه

الحين حبي وغيرها والخروفه يعني ميحتاي لها مبالغه ....واني استغرب

من البنات اللي يرسلن كذيه...وشكلي بوافق على المقوله انه لو تعرف كل صديقه

هيش تقول عنهى صديفتها كان مبقاء للصدقه مكان بينهن..بس نوبه مب سب

يعني حن حريم والنعومه تلعب دور في صياغه الخروفه صح مب حبي وقلبي ونوبه

مب سب مثل الشباب...وتوقع للحريم نوبه بعضهن قلوبهن على بعض يعني اني واثقه

في بنات حواء واللي هن ربيعاتي خخخخ...



وخلينى نسمع راي بنوتاتنا فالمنتدى

كبري خطج هالخطره..ولا عشان مانعاين الأخطاء





معج في ذلك ألفاظ حبيبتي وغناتي وحبي.....غير مستساغه

 

[almeem]

ع فكره نبراس عندي وحده من ربايعيي عليها اسلوب دفاشه غير طبيعي

ولا مره طرشتلي كلام حلو

كله سب .. وسب محترم

بس تصدجي افرح من اقرا مسجاتها اكثر من اللي تكتبلي حبيبتي وعمري ومن هالخرابيط >> متأثرات بأسطنبول وايد

احسها شفافه





بس تبن الصدج اعترف الصداقه بين الرجال اقوى من الصداقه بين الاناث

معج وطن الصداقه بينهم غالبا ماتكون بطابع الوفاء

 

[almeem]

يحكى أنه في يوم من الأيام خرج صديقان لصيد السمك.......

بدءآ في الصيد فأخذ حمد يصيد فصاد السمكة الأولى ثم الثانية و بعده الثالثة!!!!!!!!!!

ولكن صديقه سالم لم يصطد شيء بعد..........

فقال سالم: ما رأيك أن نتبال الأماكن؟

فقال له حمد : لا بأس......ثم تبالا مواقعهما,,,,,,,,,,,ولكن الغريب في الأمر استمر حمد في الصيد فصاد الرابعة و الخامسة و لم يزل صاحبنا سالم لم يصطد شيء بعد .............

فسأل سالم حمد لمذا أنت اصطدت 5 سمكات و أنا لم استطيع أن أصطاد حتى واحدة؟؟؟؟؟؟؟؟؟؟؟؟

فأجاب حمد: ما هو الطعم الذي وضعته في صنارتك؟

سالم: فراولة؟؟؟؟؟؟؟؟؟؟؟؟؟؟

حمد: ألا تدري ان السمك لا تحب الفراولة؟؟؟؟

سالم :ولكني أحب الفراولة......

فأجابه حمد إن السمك لا تهتم بما تحب أنت ولكن إذا أردت أن تصطاها فأعطها ما تحب هي......وكذلك الحال بالنسبة للبشر فإذا أردت أن تصيد قلوبهم فأعطهم ما يحبون..





عبره لاه

​

 

[almeem]

مساااااااااااااااااااء طب طب طيب"""





أبى أناقشكن في سالفه تخوف السحر والحسد!!!!!!!!!





بس خلني قبل أذكر لكن موقف.........طحت بلادصور مره وحده كنت في الإبتدائيه في التسعينات

كنا ننتظر الوالده أنا وأخويه طلينا على شباك إحدى البيوت القديمه أنا مالمحت زين بس أخويه لمح حرمه عيووووووووز تلقم سنانير سووود عيش لما حستبنا أو سنانيرها خبرنها صرخت بس ربي سلمنا..ومناك وحده ماطبيت بلاد.........مع احترامي لأهل بلاد

 

[وطن]

يا حليلها تأكل السنانير ؟؟!! عادي



تبي الصدج صحيح السحر والحسد موجود ,, بس الواحد الزم ما عليه يحصن نفسه بالادعيه وربج الحافظ

 

[almeem]

قلنا السحر والحسد؟؟؟



يعني ناويات تزعلني

 

[almeem]

حسد والسحر واااايد منه شاهدته شاهد عيااااااااااااااااان



بدخل في سالفه جديده...





لكن...

بالأمس طلعت في حواري صور.وقت المغرب..وكلما أدخل سكه...تتردد تعليقات في ذاتي



وآخر مارأيته ومزهني بنتين ف13 و14......نقول عباه ضيقه وخوذه ....هالمره بلا عبايه علبو إنهن صغار...تزهليقهةبنات مع الجوال والسماعات في الدكان !!ماذا أقول بناتكم في خطر ياناس

 

[وطن]

جبتيها ع الجرح والله



مشكلة الاهالي ما فاهمين انه هالجيل يكبر بسرعه ويوعى بسرعه !!



يعني قبل كانت البنت مخلصه الثانويه العامه ما عندها خلفيه عن الحياه الا المطبخ والدراسه وترتيب البيت ,, يزوجوها وريلها يربيها بين ايديه يكبرها يعني يفهمها



والحــــــــــــــــين!!



قسم هالصغار اللي نشوفهم صغار عقولهم اكبر من سنهم !!



استغرب من هالام اللي اطلع بنتها مغرب بسكيني ضيج وفون وبكامل اناقتهن !!



ورايحات للدكان !! الدكان من فيه غير الشباب البطاليه والهنود والبكستانيين !!



خافو ع بناتكم .. الدنيا تخوف والله

 

[صور وراء البحار]

لا والمزيهه النظام اليديد لبنات صور >>عاد جيه متطورات

يصورللج طشه من جسمهن صوره رمزيه ف المسن ولا ف الفليكر

عقول صغاار ياااربي



امـا تخسيفه تضحك وتصيح ف نفس الوقت



سبحان الله ييبوا عيال ومايتحملوبهم لا مراقبه ولا شي !!

 

[نبراس العفية]

على سالفة السحر ... اعوذ بالله منه ... وايد منشهر هالايام ...

الله يبعدنا وبعده عنكم ان شالله >> بس سكتي سكتي ياية اخر الخلق...

خخخ



وعلى سالفة الياهلات ... الاه مب ياهلات ... الا بالغات سن الرشد .. حن اللي نطلع فيها بريئات ونعيش طفولة متأخرة..

والاهالي يا غافلين لكم الله ... قمصان وبناطلين الاسترتش يهوشن بينهم وبلا عباءة ...

واحيانا او بالاحرى اغلبهم اجسامهم تلفت انتباه البنات فما بالكن بالشباب ...

والامهات يرددن على السنتهن صغار صغار ...



اذكر خالتي مسكينة بنتها صف الخامس الابتدائي مستحيل تطلعها من البيت وكوعها برع

لازم تلبس شي ايده طويلة وما يكون راص على جسمها...

قلت لها ياخي طفلة خليها تعيش حياتها ... قالت الجلد يبرد .. بعدين بتتعود وما بهمها احد ..

والكود بيصير ذراع والذراع بتصير ريول وحن ماشين ...

بس احسن لها والله تضمن انها ربت وادت واجبها ... اذا ربي سألها كيف ربيتي بناتج..

تقول ربيتهن ع الستر ...



لاكن في ياهلات .. اعمارهن لا تتجاوز 10 سنوات ... حف حواجب وحف شعر الوجة

والمكياج توب في الاعراس.. والوصلات وما ادراك ما الوصلات >> لاحظن تراه عمر هذي ما تجاوز الــ10 سنوات

يعني من تكبر شو بتسوي؟؟؟

وامها وينها ؟؟ نست انها تحمل اثمها واثم بنتها أذا البنت استمرت على هذا الحال بعد ما تكبر ...



الامهات نسن نص هالحديث (( من سن سنتاً فعليه نصف وزرها .. الخ))



بسي تعبت الميم وينج كملي هذرة عني خخخ

 

[وطن]

>> مداخله بسيطه



مره كنت جدام باب المدرسه عند امي ف السياره ننتظر اختي صغيره تطلع



وامي لانها تشوف هالمشاهد يوميا ف تعرف كل بنت لما تطلع شو تسوي ..

طلعت بنت قولي جذيه صف ثامن او تاسع ..

قالتلي امي تشوفي اذيه راقبي نظراتها ..

طبعا كماشتها فوووق ( فووق النخل فووق :d) وشعر من جدام مطلع .. ولبس مخصر .. حفله مب مدرسه .. والقميص مكفوس ونص الايد طالعه ..



وهي تمشي تخلي عمرها ادور السياره .. وعيونها تلجلج ( يعني تتشوف) على سواق السياير >> تسوي سيرش اذا فيه شباب



وطبعا مع ابتسامه عريضه .. واذا السياره فيها حرمه اتصد !!



وهذا كله والسيارتهم بعدها ما وصلت .. ويتكرر المشهد يوميا

>> بعد قولو ياهلات

والله فذاك العمر كانن بنات جيلي اول اهتمامتهن انه يلبس عباه ( وبصياااح بعد )

حااله

 

[حاكم العشاق]

هلا موضوع متاز بسال سوال فقط

يعتبر رد من ردودي على هذا الموضوع

1- هل راح تصارحي خالتك او عمتك وتقوليلها بنتك لا تخليها تلبس هذا البس

او ياخالتي او عمتي إن لبس بنتك شبه عاري

او او او او او او؟؟

المهم اخواتي صارت الناس نفسي نفسي ولا المدرسه ليش ماتستدعي

والية امر الطالبه وتخبرها وتنصحها

طبعآ راح يكون الرد على المدرسه شوفي بيت ونفسك قبل اكيد وصل قصدي

بس لو الكل عرف إن الدين النصيحه راح نتفادى هذه المهزله الي وقعة البنات فيها

ونصيحتي امنعو في منازلكم مشاهدة

الافلام التركيه

واسف على المداخله فقط حبيت ابدي رايئ​

 

[almeem]

وطن..صور وراء البحار...نبراس العفيه..وش هالمزااااااااااااايه...أفضل أن أهاجر صور الجديده!!!!



بالأمس قعدت مع بنت صف السادس أسولف معها..وحاطه مناكير بعدها...نحن من سنهن جملتين ورا بعض مانعرف نركبهن!!كأنها بنت من سني ماشي براءه...أقولها كيف المدرسه؟؟



قالتلي المعلمات مايقدرن على البنات.وأصلا المعلمات بروحهن يسون ويلبسن وووو..البنات يحطن مناكير روج ويتشيكن ...والأهم عسب يشوفوهن سائقي الباصات شايب شاب غير مهم...ماغير شباب الحارات..

وينك يازماني على طشة كحل ويبهدلونا...زمانا غير جدا غير...كانت إلي تدور بلاحجاب نقول صايعه الحين إلي تدور بلاحجاب وماحاطه شي نقول هذي أهون..





بنيات نحن هنا نذكر وننتقد وبس كيف نغير...إذا كان أساس هالبنات ملتوي!!!

فأساس التربيه من البيت أولا...



يحز في الخاطر هذا وبعدي ماطلعت السوق ..أكيد هناك أدهى وأمر...



نسأل الله العفو والعافيه

 

[almeem]

هلا موضوع متاز بسال سوال فقط

يعتبر رد من ردودي على هذا الموضوع

1- هل راح تصارحي خالتك او عمتك وتقوليلها بنتك لا تخليها تلبس هذا البس

او ياخالتي او عمتي إن لبس بنتك شبه عاري

او او او او او او؟؟

المهم اخواتي صارت الناس نفسي نفسي ولا المدرسه ليش ماتستدعي

والية امر الطالبه وتخبرها وتنصحها

طبعآ راح يكون الرد على المدرسه شوفي بيت ونفسك قبل اكيد وصل قصدي

بس لو الكل عرف إن الدين النصيحه راح نتفادى هذه المهزله الي وقعة البنات فيها

ونصيحتي امنعو في منازلكم مشاهدة

الافلام التركيه

واسف على المداخله فقط حبيت ابدي رايئ



​

مرحبا بوجودك بين أخواتك..أخوي..



ياخي حتى لمانصارح الأمهات ماقادرات لبناتهن..هناك حد سحبهن سحب ألا وهي رفيقة السوء!!!





المسلسلات التركيه والكوريه..إذا كان الأم والأب يشاهدوا هالسخافات أمامهم فكيف!!



يعني إذا كان رب الأسرة بالدف ضاربا فشيمة أهله الرقص!!

 

[almeem]

المجال مفتووووح لأشقائنا الرجال بالمشاركه...فالأنثى أم..أخت..زوجه..إبنه...



جربوا لاتستحوا...

 

[almeem]

إحدى تجاربي مع الطبخ...



سويت همه وقلت يالللاه يابنت ذوقيهم دونات مع إني مش أول مره أعمله...



هالمره حطيت طحين عادي بدل الأبيض ويبست العجينهبس قلت حرام أعق العجينه



شو سوت الميم.........عملت مقصقص بشكل عجيب....لكن الزين كان إقبال عليه...



سون كذا لما تتوهقن في الطبخه ..هناك بدائل ..هههها

 

[وطن]

ليش حن جذيه محرومين !!





كان خاطري ذاك اليوم اشوف فلم ف السينما .. وطبعا لاني مب متزوجه عار ع المجتمع الصوري اروح السينما !!





عقليات مش ولا بد





شو رايكن نطالب بيوم لنا .. اي يوم يكون فقط للنساء .. مب عوايل فقط نساااااء



مب حاله والله