:الباااارت الاول:
مراحب كيف حالكم شخباركم ...اكييد منحيين على قوله اخواناا الشاميين ...المهم انا " واعوذ بالله من كلمه انا .." حبيت اخبركم عن قصتي ما اعرف اذا بتعيبكم او لا ...المهم بعرفكم عن اخواني ...
اخويه العود دمه حار بسسس وايد طيب اسمه " زايد" متزوج "عائشه" وعندهم خليفه وخميس ومنى وسارونه ...بس ساكنيين في الامــارات بحكم شغل زيووود ، وكل اجازه ينطوا صور ، حتى’ـى لو يومين ...ما يمللوااا من الطريق حشى ...خخخخ...ما شاء الله ربي يحفظهم ....
وعندي اختى اسمهااا "حصه" ثاني اكبر وحده فالبيت ..متزوجه " علي" وعندهم تركي والهنوف ...اوينه عاد متاثره بمسلسلات السعوديه ...خخ
انزين خلوني اكمل ...وبعد عند اخو اسمه" محمد " ثاني واحد من الشباب اصغر من حصووووه لحد الحين اعزب ،يشتغل في البنك ، ابويه يسميه النشمى بس بيني وبيكم ما اشوف فيه نشامه ...خخخخ...ومي لو يسمعني اقول عنه ما فيك شي من النشامه بيذبحني احسن لي اسكت ×....هع
امممم من بعد ...ايوااا..تذكرت "سلطان" ايي بعد محمد مباشرة يشتغل في وزاره الاسسكان ، نوبه اعزب ، بس هادى ياخذ شوي من طبايع ابويه ، كتوم ما يحب يظهر مشاعره جدام حد ، وما يحب شي اسمه حريم ما يعطيهن فيس ...لانه صارله موفق وتعقد منهن ...بس ح’ــبوب...
واخر واحد من الشباب " منصور" يدرس في كليه صور ، حساس رقيق المشاعر يعنى بسرعه يتاثر على المواقف،وفيه طيشش شبااب ويكشخ ومكبر شعراتوووه ، بس انا وياه دوم ضرابه ، يضيجبي ..بس عندنا افكار متشابه ...يقولوا تؤمي الروحي ...كله خرييييط ...ههه
واخر شي " فطوم " اللى هى انا ...خخخخ....ادرس مع منصورووه بنفس الكليه سنه اولى ...ومن خلال القصه بتعرفواااا على شخصيتي اكثر واكثر ....صادوه ..
بخبركم شويه عن ابويه اللى هو " ابو زايد" واسسمه "خميسس"رجل استغل في الكويت فتره ، وعقب رد اشتغل في الامــارات فتره ، ، بس وااايد كان يحن لصور ، ورجع لصور بعد ما فنش ، واستقر بعد تعب الغربه في صور ، لانه ما استحمل الغربه ،ورجع لاهله واحبابه .
المهم عرفتوا شخصيات القصه..... شكلكم فيكم حماله تبواااا تعرفوا عن ام زايد ...مشي خانه على الحماله الحين بنعرف عنهاااااااا ........ندخل في القصه
أنْ تفقدُ شخصاً عزيز هذآ ليس سهلاً ، وخاصه أذا كان هذا الشخّص قربياً اليك ، حتى منْ نسمةِ الهواء الذي تتنفسه ، والصدمه الكبرى عندما يكون هذا الفراق فجاءه دون سبق انذار ....
فى المستشفى صور....الساعه 10صبح
الممرضه : [بكل حرج وانكسسآأر ...]الوالد ...ما اعرف هيش اقولك بس الحرمه توفت ...
ابو زايد : [منصدم...] كيف ...؟ بس هي ما فيهاااا شي ...قالت مثل الحراره ياتهااا في صدرها...
الممرضه : [حز في خاطرها وهي تكلم بو زايد وباين عليهاااا الصدمه...] يومها يا عمي ومكتوب ....ياتها جلطه دماغيه في المخ...وجسمها ضعيف ما قدرت تتحمل الخلطه وتوفت ...ان لله وان اليه راجعون
ابو زايد : لا اله الا الله ....حسبي الله ونعم الوكيل ...
وراح ابويه صوب مخرج الطوارى يمشي بخطوات ثجيله ,,,بغى يغمى عليه والحقته الممرضه ومسكته من ايديه
الممرضه : عمى تعالي استريح ....هنيه في الكرسي ...
بو زايد : فلتيني يا بنتي ...وين استريح والغاليه راحت ....
الممرضه : تعال يا عمي اقعد شكلك تعبان ......عمى اعطيني تلفونك بتصل في حد من عيالك ....
وعطاها التيلفون ودموعه على عيونه ....
بو زايد : اتصلي في محمد
الممرضه : ان شاء الله ....[وهي ادور بين الاسماء في التيلفون...] عمي وايد مكتوب محمد...
بو زايد : مكتوب عليه محمد النشمي ....[ ويضرب ابويه مره كف على كف ومره يمسك راسه من الصدمه ...] اللهم لا اسالك رد القضاء ولكن اسالك اللطف فيه....
الممرضه : السلام عليكم اخوي محمد ....
محمد : [فز قلبه ....استغرب صوت حرمه على فون ابويه ....!] وعليكم السلام من انتي هين ابويه ...
الممرضه : انا الممرضه ....ابوك هنيه فى المستشفى تعال يباك في موضوع واذا حد من اخوانك عندك هاتهم معك ...؟
محمد : هيش مستوي اختي .
الممرضه : [توترت هيش بتقوله ...امك توفت يا رب ارحم ..]انت تعال وهو بيخبركم ...
محمد : زيين ...زيين الحين بييي,,/وبند الفون ....
طلع محمد من الدوام ركب سيارته واتصل بخويه سلطان و منصور....وراح سيده المستشفي ....في نفس الوقت منصور اتصل بسلطان ...
