استرااااااااااحه
مره من المرات صارت لي قصه فنانه بخبركم عنها .. بس هاه محد يخبر اذيه سر .
اذكره اليوم اللي صارت فيه القصه كان يوم الخميس .. لما جاني اتصال من عند احمد العلوي الظهر
عقب الغدي .. كلمته وقال لي اطلع اني انتظرك عند باب بيتكم لا تتأخر ..
أول ماطلعت من الباب الا احمد العلوي ( سريلنكي متصفد ) وفيصل الفارسي ( باكستاني صغير ) وجدامهم عربانه
ماجد : هاه شباااااب سلامات اشوف عربانه .. ناوين تشتغلو كوليه هيش ؟؟ !!
أحمد العلوي : هههههههه بو اروى اذيه فيصل سارق عربانه من بيت هنود وقال بنخمس فيها بنسترجع ايام الطفوله
فيصل : خلا خلا الراقي .. بنعلمك الرقي كيف .. ان ماخليتك اليوم الثاني تكتب قصيده غزليه في العربانه ما اكون ود الصايغ
طبعا عيبتني الفكره ورحت معاهم .. دهوة نفس .. رحنا واللي يسوق العربانه احمد يسوق وهو مبسوط .. أونه يوم صغير هل حارتهم يسموه ملك العربانات .. لانه كان احسن واحد فيهم يخمس بالعربانه .. بس بصراحه ما تعطيه انه ملك عربانات .. تعطيه حارس مرمى هههههههههه
رحنا ولما وصلنا لمكان خوش مكان فيه مساحه حلوه حق التخميس ..
ماجد : شباب بنسوي قرعه من اول واحد يركب العربانه ومن اللي يدز .. اتفقنا
أحمد : اتفقنا بس اني بسوي القرعه .. انتو مامنكم أمان
طبعا احمد سوى القرعه .. وطلعت اني اول واحد يركب واللي يدز احمد خخخخخ انقلب السحر ع الساحر مثل مايقولو
انا ركبت العربانه وربطت الحزام .. واحمد لبس جوتي مال الرياضه وراح يدز ويدز ويخمس لمدة عشر دجايج .. بس صراحه سواقته مب بسيطه فنان .. واالحق ينقال
خلص دوري وبعدها انا سويت قرعه بين احمد وفيصل من اللي يسوق ومن اللي يركب .. ومن سوء حظ احمد النحس .. انه طاحت القرعه مع فيصل .. واللي يدز أحمد
وهاته تخميس .. أحمده مسكين تعبان يقطع بالجبد وفيصل مستانس .. ويغني ( وديني يالسدرك صوب المحابيبي )
نوبه كذا عشر دقايق ..
ولما جا دور احمد عشان يركب .. بنجر تاير العربااانه ههههههههههههه اخ يابطني اخ .. اخ تعبت من القهقهه
ماتهنى مسكين ..
أحمدوه عصب شوي وبيصيح .. لولا اني ساسرته .. وقلت له عادي حلاة العربانه تمشي وتاير مبنجر .. انت بس خلي فيصل يدزك
طبعا احمد اقتنع بالفكره .. وقال الفيصل دزني .. بعطيك سكر عدن .. وافق فيصل واعليه عليه .. مشتهي سكر عدن من زمان ماماكلنه
التاير مبنجر وفيصل يدز مسكين لين انجلبت العربانه وطاح احمد على دغمته ههههههههه هههههههههه ههههه
عصب احمد على فيصل وشاته في بطنه بجوتي مال الرياضه
اني من شفت المعركه بدت .. طرت البيت .. ادري فيه احمد يوم يعصب .. يغير ملامح ويهك
المهم .. ربع ساعه من وصلت البيت الا الجرس يرن .. رحت افتح الباب .. الا في ويهي احمد وفيصل والبنجالي راعي العربانه ..
خونو فيه .. قالو له هذا اللي سرق عربانتك .. اخ من اصدقاء هذا الزمن ..
البنجالي : بابا يريد عربانه جديد ولا في روح شرطه
ماجد : ابويه لحظه لاتروح الشرطه ولا هم يحزنون .. اندوك الاه عشرين ريال روح اشتريلك عربانه
وراح الهندي ..
وانتهت القصه .. اللي كان بطلها .. أحمد العلوي من دون منافس
طبعا القصه من نسج الخيال .. اشتقت لايام الطفوله .. وعبـّرت بطريقتي .. والمسامح كريم ياخويه يا احمد ويافيصل
توته توته خلصت الحتوته
مع تحيات المخرج .. ماجد الحتروشي
