حواء والطفل..

[almeem]

السلام عليكم ورحمة الله وبركاته.....







عزيزاتي موضوعي اليوم مميز وجاد ومهم...

وهو تربية الأطفال..











لايخلو بيت من الأطفال...سواء كنتي أم ,,عمه,,خاله,,جده

راح ندرج هنا وندندن وندردش ونطرح ونتناقش,,حول تربية الأطفال

وتجربتكن في ذلك...مع ذكر مواقف وطرح مشاكل لنصل إلى حلول..

لعلنا ننفع بها ونستفيد منها ونفيد...



لعلي أذكر آخر موقف..



مع أبناء أختي كخاله حبوبهاتضطرت أختي للخروج ووصتني على أبنائها..بكل سرور..كالآتي...

استيقظوا..مع قُبلة الصباح

طلبت منهم غسل الوجه وتنظيف الأسنان..

ترتيب الفراش معاً..

أعددت لهم الريوق طبعا لازم أطلب المعونه منهم..وكان إفطارا مميزا..

تريقنا معاً وتبادلنا السوالف..وكل شوي يقولوا بمرح تلعبي دور الأم!!

وبعدها أعطوني تقييم ممتاز عندما عادت أمهم...أماه الميم تعرف تلعب دور الأم..

بعدها عدت إلى مملكة ذاتي..

الشاهد علينا أن نكون عونا في تربية هؤلاء الأطفال..وننقش في عقولهم وذواتهم أمورا إيجابيه في كل شيء..



ألحين,,دوركن..نبراس العفيه من أعذارج إنشغالج بالمذاكره لعيال أختج خبرينا بصراحه كيف؟؟أكيد ضرابه

 

[تذّكآر]

الله يحفظ طيور الجنه ...



كنت معهم ضاربه وجونه بس الحين تصالحنا والسبب بوكس الحلاوه



اول ما يدشوا البيت سيده ماي روم ويفتحوا العلبه وياخذوا الحلاوه حتى مشي سلام عليكم كيف حالكم



وواحد منهم يحب الكوره كتير كتير ...ما اعرف يوم يشوف ويهي يبتسم لي ابتسامه جدابه عاد اوينه لعبي معي



ليش ويهي مكتوب عليه ميسي ولا كاكا





في النهايه يا الميم التعامل مع البيبي لازم يكون فيه نوع من الحرص واحيانا الحريه المقيده بشي من الالتزم والحذر



وربي يحفظهم ​

 

[almeem]

تم تعديل ماأخفي باللون الوردي







هيييي...شوي شوي على مجاني خالتي..



لأن وجهج مدور كما الكوره....



الميم الأطفال يحبوها وبدون حلاوه...





ياه إني أنتظر نبراس العفيه..



متشعب سالفة هالتربيه لي عوده...

 

[سلطانة غرامي]

الميم الموضوع أعجبني وبعيدا عن الكذب أنا لا أفقهه شيأ في التعامل مع الأطفال ربما لعدم وجود أطفال بيننا ولكن ما ان يبدأ التجمع من أفراد العائله أكون في زاويه صامته وأعلن حاله الطوارئ فقط أكتفي بالمراقبه عن كثب

 

[almeem]

حتى مع الأطفال صامته..





حلو التعامل مع الأطفال هم من يملكون القلوب النقيه..فقط اقتربي منهم..



راح أعلمج...مصيرج تكوني أم يوماً ما..

 

[سلطانة غرامي]

صامته كي لا أنال نصيبي من ما تلتقطه تلك الأيادي الناعمه الخشنه





أراقب التعامل معهم من قبل أمهاتهم عن كثب لأرى ردود أفعالهم وأستنتج منها ما يفيد وما لا يفيد باختلاف أعمارهم



وبما أنها مسئوليه مشتركه يغيب الذكر في معظم الأحوال عنهم هذا ما لاحظته لا أدري ان كنت على حق ولكن الأكيد ليس الكل البعض منهم

 

[almeem]

أطفالنا مسؤلية جداً مهمه.....دعوه للنقاش

 

[كاتمة الاحساس]

هههههههههههه تذكرت من الموضوع لما كنت مع بنات الحاره نشل اللاك الصور ونمثل على

اساس اهن عيالنا وحن الامهات

والحين نفس الشئ بس عيال صدج مب صور واللعاب خخخخخخخ

اني خالوه فالبيت بس ما احس بهذا الشئ لانه عيال اختي ما ينادوني خالوه

كله كاااتموه وووكاتمووووه بس متعه نتكافخ حن ويهاهم ونتحاوش فذيه الحوش

صراحه ناخذ دروس اكيد بنستفيد منها لما بنصير امهات صدج خخخخخخ

واحلى شئ لما اكفخهم ههههههههههههه بس مايصيحو يكفخوني نوبه

 

[almeem]

أووووب....يبالج دوره تدريبيه مع الميم.ويبالج علاج



.ولاأنا ينادوني خالوه بس روح المحبه بينا..!!

 

[almeem]

أود أن أنوه أن هالطرح جاد,,فقضية التربيه مهمه جدا وياليت الأخوه بعد يشاركونا..وشكرا

 

[نبراس العفية]

ه بببببببس ببببببببببببببببس حبتي لا تصيحي خخخ .. يتكم بعد طول عنا

حبتي انا روحي غسية يوم بتنزلي لي موضوع على طول خبريني ...

ولاااااااا بعد نزليه يوم بتشوفيني داشة خخخخ ... عشان ما تنتظري وايد





ألحين,,دوركن..نبراس العفيه من أعذارج إنشغالج بالمذاكره لعيال أختج خبرينا بصراحه كيف؟؟أكيد ضرابه

ه المهم ... الحين بدش في النقاش ... تراهم مب عيال اختي عيال خالتي عيال اختي روحهم سالفة



تعاملي معهم طبعي ما احسسهم انهم كبار ولا انهم صغار ... لان هم حاليا بعمر 13

فلما ذاكرت لهم كانت اشد وارخي ... يعني اذا غلطوا عادي بامكاني اساعدهم

بس اذا استهتروا ... عز الله انهم ما فالوا مني ... وطبعن هم خلاص بديهينا

سبحان الله محترمين وهاديين وخلوقين ...



بس الحين عندج عيال اختي... بالاجماع مع اباناء اختي الثلاث

تراه نبراس العفية عندهم هتلر في حالة الغضب!!!



لان تعاملي مع اي طفل يكون مبني على أسس

1- احترام متبادل بين الطفل وبيني.

2- الحوار والنقاش.

3- تصحيح الاخطاء باسلوب محبب

4- والاهم انه يريد يعبر عن حزنه بصياح .. مو مشكلة بس اهم شي باسلوب راقي خخخ

 

[almeem]

لماشفتج ماخذه هالبيبي فكرت إني داشه خطا ...توقيع *تعليق..



بس أحساسي يقول هدوووءهم رووووووووووعه منج..هتلر ههه



يعني محد مثل رقة الميم..طفله مابين أطفال...





..قوليلي...الأطفال ألحين 13 تحت أو فوق كبار عاد...جحيم المسلسلات التركيه!!!

 

[نبراس العفية]

الموضوع لا يقال في عدة سطور ... عشان كية عذريني ع الاطالة ..

ببدأ في حالة ان عيال اختي سووا شي حلو ..

اتم امدحهم . واقول للكل .. فلان اليوم سواء كذية .. او فلان يعرف يسوي كذية ..(( يعطيهم ثقة بالنفس ))



2- اذا سووا خطأ غير مقصود كأن حركوا شي وانكسر او خربوا شي بالغلط ... هنيه اهاريهم فقط ليش لعبتوا داخل

ما تشوفوا ان المكان مو مال لعب .. او المكان صغير .. مرة ثانية لعبوا برع !!



3- اذا سووا شي غلط بالعمد ... انبههم 3 مرات .. لو سووه المرة الرابعة .. تراه عندي خيزان تصيح ..

وتكون 3 عسفات لا اكثر ولا اقل ... بس على قولة امي يوصي بها مجاني مجانيه خخخ



4- في حاله العناد ... انا أم عناد تراه .. يعني هو يصرخ ابا الشي الفلاني .. وانا عاطتنه راسا صم

لحد ما يتعب.. بروحهم يجوا يقولوا لي بكل ادب اريد كذا كذا ...



5- في حالة اني اريد انصحهم او اناقشهم او احاورهم .. لازم انزل لمستواهم .. بحيث

راسهم ما يكون مرفوع لفوق ... او يكون منزل على تحت ... (( معلومة سمعتها في برنامج .. طبقتها وفلا جابت نتيجة))



على فكرة اذا سوا واحد فيهم شي غلط او خرب شي في البيت .. احصله جالس في الكورنر يصيح خخخخ ...

ولما اجرب يمه اسمع قلبه يدق طيران من الخوف ... بس ما عليه اسامح خخخ



رغم انهم يحبوا يلعبوا عندي انا اكثر شي .. لاكنهم عارفين لو سوا شي غلط بالعمد واصروا عليه

نبراسوه وحد السيف خخخ...







نصيحة لكل ام واب لازم يعلقوا عصا في البيت ... (( وصية الرسول عليه الصلاة والسلاة ))



وفي حالة اردوا ظربه .. يظربوه عسفتين بس في مكان ما تسبب له فيه عاهات ... وما يظربوه في حالة الغضب لان الشيطان يلعب بالعقل في هالوقت.. نفس الشي يبينوا للطفل بيش ضربوه ... مب بس عسفوه وبس خخخ ... ويستخدموا مع الطفل اسلوب الحوار ..

لا يقولوا اطفال وما يعرفوا الحوار .. بالعكس عندهم مهارة حوار ومناقشة بعد ... (( أنا جربت هالطرق في أكثر من طفل بصراحة . تعاملهم معي احترام . حب . رهبة . ))

 

[نبراس العفية]

صح نسيت نقطة الا وهيه ان الاطفال يشتاقوا لحظن امهم

حتى لو عدوا الــ15 سنة ... وفي نقطة ثانية نوبة ... اذا قلتي للطفل سوي كذية

بييب لك هدية .. تراه لازم تيبي له .. عشان يحس انج صادقة ...



ولو قلتي له لو ما سويت كذا كذا بعاقبك اني ما بشلك الحديقة... مفروض نفس الشي ما تشليه

عشان يحس ... ان كلمتج لها فعل ... ويحاسب ع تصرفاته مرة ثانية... لانج لو سويتي العكس

تراه بيلعب بج ... وبيقول عادي تراها بتقول وما بتنفذ ...





وفي شي بعد .. تراه الام اللي تستخدم الصراخ على ابنائها ... هم يزداوا قوة

لييييييش؟؟؟ لانهم يحسوا ان هم قدروا يخلوها تعصب .. معناته هيه ما تقدر لهم

معناته هم اقوياء ....يعني لو تصرخ من اليوم إلى باكر هم خبر خير (( وفعلا لاحظتها))



ما عليج مني صح شريرة بس قلبي طيب خخخ .. ولا كان ما بيلعبوا عندي ...

سلامتج في اللعب يصيح مكافخ وتعسيف وتعضيض وفي من .. فيه انا ..

غير وقت الجدية تراه تحصليهم مصطلبين وخايفين خخخ ..



احسن يوم يكون الياهل كذية .. يا اختي عشان يتأدب ...

 

[نبراس العفية]

غمااااااط هذا مب حواء والطفل ... اذية ايد ريال

يعني أدم والطفل خخخخخخ

 

[almeem]

غمااااااط هذا مب حواء والطب ... اذية ايد ريال

يعني أدم والطفل خخخخخخ

أولا كتبي الحروف زين...



ماتفرق....يد آدم كيد حواء هالزمان



بس الظاهر متأثره بموضوعج توقيع وتعليق!!





يومياتج مع الطفوله بصراحه أنتي أنتيييييكه..يعني رائعه ولكنج حاجه غريبه!!



ليش العصا..العسو زين...واليد تكفي..



نبراس أم....يالللهول..



ردي على ماكتبته سابقا...

 

[نبراس العفية]

أولا كتبي الحروف زين...



ماتفرق....يد آدم كيد حواء هالزمان



بس الظاهر متأثره بموضوعج توقيع وتعليق!!





يومياتج مع الطفوله بصراحه أنتي أنتيييييكه..يعني رائعه ولكنج حاجه غريبه!!



ليش العصا..العسو زين...واليد تكفي..



نبراس أم....يالللهول..



ردي على ماكتبته سابقا...

يا اختي العصى والخيزان الاه احسن شي في التاديب ...

روحي اول كي يوم تلهيب لحد عمر 15 بعدي يعسفوني من ينون وعناد خخخ



انا انتيكة!!! انا قررت اصير انيكتة لان كل حد يقول الخير في بنات اول

انا نوبة من بنات اول >> من قاص عليج انتي خخخ ...

بس ما عليج يقول لج لازم تربية وتأديب

 

[صور وراء البحار]

الله ركن قريب من القلب ..



...



لفت إنتباهي رد اختي سلطانة غرامي

وبما أنها مسئوليه مشتركه يغيب الذكر في معظم الأحوال عنهم هذا ما لاحظته لا أدري ان كنت على حق ولكن الأكيد ليس الكل البعض منهم

لديكِ بثور سلبية في هذا الموضوع عزيزتي .. حاولـي أن تغييري فكرتكِ فيهـا ؛ لأنه سيأثر فـي مستقبلكِ (نصيحه من أختج^^ )





الفاضله الميم .. قد أكون هنـا لأجمع تجاربي مع الأطفال

 

[سلطانة غرامي]

لديكِ بثور سلبية في هذا الموضوع عزيزتي .. حاولـي أن تغييري فكرتكِ فيهـا ؛ لأنه سيأثر فـي مستقبلكِ (نصيحه من أختج^^ )



أختي صور وراء البحار



قد أكون أخطئت بالتعبير فمنذ فتره وجيزه كنت أقارن بين أطفال أحد الأقارب ووجدت اهتمام كبيرا من الأم فقط بما فيها مواقف رجوليه كان للأب أن يكون فيها هو الحازم وصعقت لدرجه اهتمام الأم بأبنائها وقيامها بمهام عرفت بيننا بأنها للأب. غياب الذكر قد تكون لأسباب كثيره ولكن كنت أتمنى أن لا يؤثر ذلك على أساسياته في الحياه ومن ضمنها أبنائه . من خلال خبرتي المهمه مشتركه وعلى كلا الطرفين سداد فراغ الأخر.

شكرا أختي على نصيحتك ومن خلال هذا الطرح قد تندرج الكثير من الحلول لأثري بها هذه الثغرات

 

[صور وراء البحار]

قد أتفق معكِ في هذا الشأن

هروب الزوج عن واجباته تجاه أبنائه

البعض منهم



السبب في ذالك .. هي المرأة

ودعيني اتحدث بالصوريه ( بعضهن يدلعن ريالهن وما يخلنهم شي يسووا الحرمه كل شي تسوي تربي تهتم بالبيت وغير شغلها وتشتري حاجات للبيت من السوق!! .. الخ - ما اعرف ليش يعني عشان يقولوا انه فلانه مريحه على زوجها مثلا ,اوكي ماقلنا تساعدي زوجج مافيها شي ولكن انج تتحملي بكل شي وهو ما عنده اي مسئولية اذيه خطر على الاسره.. .. هالسالفه منتشره صراحه ونشوف ونسكت ! )

هنـا العيب من الزوجه , لم تخلق جوء مشترك بينها وبين زوجها من البداية في تربية الأبناء وغيرها من الواجبات

لذلك بعض الأزواج يهربون من المنزل إذا طلبت زوجته منه أن يذاكر لأبنه مثلاً يجد صعوبه في ذالك لأنه لم يتعود على ذالك ....





الحديث طويل ..

ووقتي قصير

قد اعود ..