حكاوي شوق

[الشيخه]

بسـم الله الرحمن الرحيم





أبيــات وليدة اللحظة ..



بدون مقدمات





أترككــم مع ( حكاوي شوق )

​

الشوق طفلن عابثن ما بعد راق



لا شاغب فـ قلبي حضنته أهدّيــه ..





ايبعثر العابه من الضيق لا ضـاق



لين الزعـل يبـرك على خد مغليــــه ..







الطيف والذكرى وحرقات الامواق



العابـه اللي لا ينـــــادي تلبيــــه ..







إن نـام غفيتّه من الـوجـد بـ عنـــاق



البعـد بحـره والمحانـــي شواطيـــة ..





وأن فـاق يعني عاث فالقلب لا فـااق ..



يعنـي يبعثر قــلب في قبضة ايديــه ..







يركض وله ممشـاه في درب الاعماق



لين النفس يلهث وماعـاد يمديــه ..





واتبع مسير خطاه مجنون منساق ..



جنن فؤادي وتــوهــتني خطـــــاويه ..





ولا من زعلـ هاذي متاهـات الاحـداق ..



ضميتــه فـ عيني ولا قلت يكفيـــــه





أرضّي غـروره لا تشـّـره ، وبـرفـاق



أمشي معه بالهون تاتيـــه تاتيـــــه ..







غنيت له عاشق سلك درب عشــاق ..



وأذنـي تلبــي تستمع له غنـــــــاويه ..





شـ أقول له لا عـاث فـ القلب أشواق!!



وشـ أقول لا تمتمت لي حـكاويـــــه ..





طفل(ن) وجاهـل لا من اشتاق اشتاق



لا قـلت له أفترقنـا قال لــي ليه ؟؟؟ ..





يبكـي ويرجف مثــلمـا رجفة أوراق



لا من كتب شاعـر شعـوره وينهيـه ..









أصعب مفــارق يوم لــوّحت بـ فراق



قولة فمـان الله وتصيــــح أغليــــــه !!!





ومـادام شوقي طفــل لـ الشوف تّواق



جمعت له لالــــعاب من شأن ارضيـــــه ..

​