اقتراح للمشى...

[*غاده*]

اقتراح للممشى...



مرحبا..اخواني وخواتي..رود المنتدى

فهالويكيند رحنا لصور...وطبعا كنت فرحانه وااايد،شفت الممشى(رصيف المشاه الخاص للنساء) الفكره بحد ذاتها عمليه ولاغبار عليها...لكن اللي زعلني انه الرصيف مكشوف خاصه للمار من الشارع القريب واللي له حايه من هذاك الدرب...ياليت لو يتم تشجير الرصيف ، يعني يحاط بالاشجار من الجانبين..راح يكون استر..وراح يلطف الجو

اتمنى من المسؤلين اخذ الموضوع بعين الاعتبار..فالتشجير اتوقعه غير مكلف وراح يضيف جمال للمنطقه...

رايكم يهمني اخواني...

تحياتي للكل

 

[سلطان]

اختي غاده فعلا فكره جميله

راح يكون اريح لحريمنا انهن يتمشن هناك

 

[*غاده*]

اشكرلك مرورك اخي...

اتوقع الفكره بسيطه..واتمنى فعلا انها تنفذ

 

[سامي]

*غاده*



نتمنى ان تنفذ

ولكن



لا احبذ مشي المراه في ذلك الرصيف بالذات لما اراه

في ذلك الرصيف من تصرفات بعيده عن اخلاقنا كمسلمين

 

[*غاده*]

اخي سامي ..وجهة نظر احترمها..قد تكون نابعه من غيره اسلاميه..

ولكن الانسان يحتاج للتغير بين فترة واخرى..ثم ان هنالك قوانين تمنع من تواجد غير النساء..لذا اتوقع ان المكان امن...

 

[أخت محمد]

هلا اختي غاده



اعجبتني فكرتك وايد وايد



لاني انا من اللواتي يمشين يوميا في ذالك الممشى



والصراحه ما شفت اي مضايقات الكل في حاله حتى النساء ما يتكلمن مع بعض ولا تبرج



ولا شي يلفت النظر مع احترامي للاخ سامي

 

[بقايا عطر]

[align=justify]هلا وغلا ...



تسلمي أختي غاده على هالفكره الجميله وطبعا الجميع معك في هالفكره لأنها فعلا راح تستر المسار وبنفس الوقت راح تلطف الجو ولا ننسى أيضا الجانب النفسي لوجود الأشجار على جانبي مسار المشي .. ولكن الأهم من كل هذا اني ابلغكم ان بلدية صور فعلا تفكر جدياً في زراعة اشجار "شريش" على جانبي المسار وبمعدل شجره كل عشرة أمتار ... هذا الخبر من مصادر موثوق منها .. ويبقى ننتظر وقت التنفيذ واللي نتمنى أنه يكون قريب .. وتبقى مسألة وقت





[align=center]

[/align]

[align=center]صورة لمسار المشي وهو في طور الإنشاء [/align]





مع التحية ...[/align]

 

[أخت محمد]

حلوه الصوره بس وين السياير راحت؟؟؟



مشكوره

 

[MATADOR]

بصراحه شفنا الممشى



وفكرة التشجير أعتقد هي الحل المطلوب لحل المشكله



ونتمنى لكم رياضه طيبه



ومشكور بقايا عطر على الصوره

 

[*غاده*]

مخاوية التسامح...مشكوره على مرورك الطيب..ومثل ماقال الفاتن نتنمالكم رياضه طيبه

بقايا عطر ... الله يبشرك بالخير ..ومشكوره على الصوره...مابا اكون طماعه لكن شجره بعد 10 امتار مب بعيد ؟؟!! اتمنى انه المشروع ينفذ فاسرع وقت

الفاتن...مشكور على تأييدك ومرورك الطيب



تحياتي لكم