وبدت الرحلة
والكل ركب السيارة واللي يسوق أسير العفية والباز متسحدح قدام
وصاحب السيارة الكيتاني وتبقى الذكرى وراء..
بسم الله بدينا نسير في الشارع..
أتصال للباز من الوالد ترن ترن .... ترن ترن ... ترن ترن
الباز : سكتو لحد يتكلم واسير العفية قصر على المسجل
الووووووووو
الباز: هنية عن الشباب.
وبدا وجه الباز يصفر ويحمر لحد ما صار بنفسجي.
الكيتاني : يساسر وتبقى تشوف الباز كأنة ينازعوة هع
وتبقى : ههههه صح صح الظاهر بيرجع بيتهم.
الباز : أوووه أبويه بجي أني ماشي رحلة واللحين بعيد >>>>> الاخ بعدة في صور ههه
المهم سكر الاخ وعلامات الخوف واضحة
أسير العفية: سلامات الحبيب بنرجع ولا كيف.؟
الباز : روح روح والله ما ارجع خلاص أني معكم
أسيرالعفية يطول ع المسجل ويدق رقبة والباز فية حرارة على اسير العفية.
والاخوان كانو مرتاحين ويشوفوا الطبيعة والمناظر..
وفجاه...!!
حصلو واحد يوقفهم في الشارع وأسير العفية بلعبتة كأنة ما شايف حد..
الباز: أسير رجع تشوف الصبي يمكن يبا يروح مكان قريب راح نوصلة ونكسب أجر
أسير العفية : أنزين برجع محد يبا أجر غيرك انت..
ورجعو للولد اللي واقف مسكين.
السلام وعليكم... وعليكم السلام..
أسير العفية : الاخ تريد مكان بنوديك..؟
الولد مستغرب من أسير والمسجل والربشة في السيارة
لا لا مشكورين أنتظر حد هنيه..
أسير العفية : أوكي صاحبي فمان الله..
وراح أسير العفية يكمل طريقة على حاله..
الباز: لازم ما يريد يركب معنا يشوف الهيلة وكشتك أذيه..
الكيتاني : هههههههههههه
وتبقى : يخوية يمكن ينتظر حد.
أسير العفية : أقولكم اللحين وين بنروح..؟ بس كذا نركض في الشارع.
الكيتاني : دبي دبي أنطلق.
الباز: يؤيؤيؤيؤيؤيؤيؤيؤ اوووه أحسن بنروح مصيرة حن ما عندنا فلوس.
الكيتاني : عندي عندي طالع المعااااش هههههههههه
طبعاً ها اللحظة جات الاخ الكيتاني حاله غريبة يعني يضحك الظاهر تذكر موقف الله يستر بس.
أسير العفية : أوب أوب دبي حظنا والله >>>>>> الاخ مرتاح كثير
وتبقى: بس الكيتاني حن منقدر نثقل عليك >>>>>> كذاب وعيار
الكيتاني : عادي أخواني تراها مره في العمر.>>>>>> يا حلاتك انته
البازويتأمل المناظر:: لا لا كدت بخيتوووه..!!
المهم وصلنا الفجر دولة الامارات وجلسنا ندور سكن
وكلنا نركض ونمشي تحت بعض وكأننا عيال بطة >>>>> خايفين لا يضيعون هههه
المهم وصلنا أخيراً لفندق بقيمة حلوة وأستأجرنا فية عشان النوم..
وصحينا الصبح رحنا المطعم عشان نفطر..
باالصدفة دخلنا مطعم راقي وعلى بالنا مطعم عادي ..
أسير العفية: تعال أووويه. >>>>>>>> عاد الأخ متعود يسافر
الباز: اوووه لا تصرخ مب زين بيصلخوك بعين.
أسير العفية : أشوفة محد يشوف علينا..
الكيتاني يتلفت يمين ويسار وكأنة ما مصدج نفسة وتبقى راح يستفسر عند الباب وين طريق الشارقة ولا حد معبرنة..
أسير العفية : وتبقى تعال بنفطر بعدين بنتبع اللوائح عادي تعال بس.
جاهم الهندي ومسرح شعرة على صوب ومهتم فية والزيت ماخذ مكان أوفر ومحترم
وأسير العفية يدخل صبعة في شعره ويتخيل لو كان في الهند الظاهر.هههههه
الباز : أني ابا كيما وخبز براتا..
أسير العفية : هات عدس آه
الكيتاني : خضرة خضرة الله يخليك.
وتبقى: شي معكم ناشف لحم .>>>>>> الاخ ذيب هههه
الهندي : لا ما فية
وتبقى : بس هات كيما
شوفوا طلباتهم مساكين على نياتهم وبساطة للأبعد الحدود هههههه
الهندي : زين أرباب
راح الهندي وجاب لهم الفطور بس فطور مدلع..
يعني حركات ومدلع الصحن ههههه
الباز : تشوف هنية االاكل النظيف.
وتبقى: كلو كلو ورانا طريج
أسير العفية: وينك يا الصناعية .>>>>> الاخ فاقد عزيز وغالي هههه
الكيتاني : سكوت في لحظة أندماج مع الوجبة الخاااصة هههه
المهم بعد ما خلصو راح الكيتاني يحاسب وطلع حسابة 5 ريالات.
بعد ما طلعت عيونة وأخذ نفس عميق وقال للهندي أخبار عن الاقتصاد في الولاية
وكم قيمة الغذاء في البلاد وأخبرة بكم كل الوجبات اللي كلناها وبعدين عطاه فلوسة
والهندي مب فاهم شي ..
هههههههه
يــــتـــبـــع