لعيونكم كبسة ربيان

[صوري للابد]

اليوم كنا متفيقين واول يوم اجازة استرخاء واكل



وطبخنا كبسة ربيان



الطريقة سهله وايد



حمس بصل مع زيت



وحط الربيان حركه



وضيف البهارات مشكل



وطماط قواطي وضيف الخضرة الي تبوها بطاط وجزرو فلفل بار وباذنجان



وضيف ماي وخلي الخليط يثجل



وضيف العيش عقب والماي حار لزم يكون الماي بمقدار بنان الصبع فوق العيش وخليه على نار هادية لما ينشف الماي





وهذي الصور

 

[صوري للابد]

خبروني اذا الصور كبار



تراه اليوم جالس ساعة اصغرهن

 

[تذّكآر]

ماشاء الله تبارك الرحمن ...

اتاريه الغربه تعمل عمايل ...

بالعافيه عليكم ...

بس جنه العيش ما مستوى عدل ولا اني غلطانه ^^

شكراً شيف صورى للابد على مكبوس الربيان

عيبني المنظر اللى مجابلنكم



زين مستوى الصور ​

 

[صوري للابد]

لا لا افا عليك اختي مستوي



بس اذه حبة بسمتي كذه تطلع وايد زينه هع هع ما تحترج احسن شي ولا تتعجس

 

[ونة الليل]

يعني قولتك الشيف صوري تنصحني بأرز بسمتي



عندنا مسابقه طبخ وابا افوز فيها



بس الصراحه شي جمييييييييييل



بالعافيه عليكم



وانتظار جديدك

 

[almeem]

الأخ ساكن فوق السطوح منظر حلووو...



بس فنانين شبابنا,,,,,ضيفوا الجماعه وخلوهم يتذوقوا الطبخ الصوري



بس كيف طعمه مع الروبيان!!

 

[صوري للابد]

يعني قولتك الشيف صوري تنصحني بأرز بسمتي



عندنا مسابقه طبخ وابا افوز فيها



بس الصراحه شي جمييييييييييل



بالعافيه عليكم



وانتظار جديدك

ايوة من احسن حبات العيش الباجي يحترج ويتعجس ما بسمتي الاختيار الافضل دعايه هع هع



الله يعافيك



تسلمي على المرور

 

[العباس]

عاش الشيف

صراحة كل يوم تثبت لي أنه لك مستقبل كبير في عالم الطبخ

يا فرحة زوجت بك



بالهنا والشفا

 

[بت العرامه]

يــــــــــــــــــــــــــــؤؤؤؤؤؤ قوووووويه...........ولا مكبوس البناااات...

اسميه انه الغربه تعلــــــــــــــم.....

بصراااحه شكله يقول مزبوط ولذيذ ...بس الله أعلم...!!!!!



يسلموووووو شيف صوري...وبالعااافيه

 

[صوري للابد]

عاش الشيف

صراحة كل يوم تثبت لي أنه لك مستقبل كبير في عالم الطبخ

يا فرحة زوجت بك



بالهنا والشفا

معرف ليش اشم ريحة تهزوه هع هع

 

[صوري للابد]

الأخ ساكن فوق السطوح منظر حلووو...



بس فنانين شبابنا,,,,,ضيفوا الجماعه وخلوهم يتذوقوا الطبخ الصوري



بس كيف طعمه مع الروبيان!!

اوه اختي اذه بلكون على مكشوف ههههه



الجماعة في الاجازة مالهم شغل فينا كلن في هندوانه



الربيان رهيييييييييييييييييييييييييييييييييييييييييييب بس غسلوه زين وبعدين خلوه يفوح عدل

 

[عزف المشاعر]

معرف ليش اشم ريحة تهزوه هع هع

هههههههههههههههههههه والله ضحكت الين قلت بس..



اوه صوري للابد احسن النية..



ما شاء الله عليك فنان في كل شئ​

 

[صافي الود]

أحلى وجبة عندي

بصراحة طبختها سهله وبسيطة بس لازم تضبط المواد

كنا طالعين في العيد رحلة لقرية صراب في الوسطى

وهالقرية معروفة بالربيان وما يحتاي فيها هيش محلاه (يستاهل تصوروا معه)

وكنّا كل يوم نسوي كبسة ربيان ورجعنا من هناك دازين كروشنا هههههههه